موضوع مهم لحياتك
هل حاسس أنك بقيت exhausted علي طول ومش قادر تكمل؟!!!
بتجري في طريق طويل منهك..
ومش قادر حتي تاخد نفسك..
ومبقتش عندك لا رغبة ولاطاقة للوصول..
لو كل الأحاسيس دي بتسيطر عليك يبقي أهلا بيك في نادي الاحتراق..
Welcome to Burn-out club
بشكل عام عرف علماء النفس "الاحتراق النفسي" بأنه حالة من الضغط النفسي المزمن نتيجة أعباء نفسية أو مهنية متراكمة واللي بتكون مصاحبة بشعور بعدم الفعالية وعدم الانجاز واللي بتؤدي إلي استنزاف مشاعر الشخص داخليا لحد ماتحترق روحه بالكامل وتيجي لحظة يقرر فيها عدم الاستمرار ..
اللحظة اللي ينفجر فيها ويصرخ..
خلاااااااااااص تعبت..
مش قاااااااااااااااادر أكمل..
تاريخيا أول من وضع مفهوم "Burn-out" كان د.هربرت فرودبنجر واللي وصفه ببلاغة بقوله
"هل عمرك قبل كده شفت مبني محترق؟!!!
لما تمر جنبه وتركز فيه هتلاقي أن الطوب والخرسانة لسه موجودين..لسه حتي إطارات النوافذ موجودة..
في الواقع القشرة الخارجية ممكن تكون سليمة جدا..
لكنك لو بصيت جواه هتُصعق بكم الخراب والدمار اللي موجود"..
د.أليكساندرا ميشيل لخصت الأسباب اللي بتؤدي للاحتراق النفسي بقولها..
" الاحتراق بيحصل لما تكون ساعات العمل،والحمل الوظيفي،والاحتياجات الحياتية مش متلائمة مع الاسترخاء والمكافآت والتقدير النفسي"
علماء تانيين حللوا ظاهرة الاحتراق النفسي لتلات أسباب أساسية..
1-Exhaustion ..الانهاك..
أنك حاسس شغال في ساقية زي التور ومش قادر تريح..
مش فاكر حتي إمتي خدت أجازة متواصلة؟!!!
تعبان علي طول..مصدع دايما..مش عارف تنام ..تبص نفسك في المراية حاسس أنك عجزت بدري..مكتئب وشاردا دايما..وبتطلع طاقات غضبك وتنفجر في الأشخاص الغلط..
2-Depersonalization ..اضطراب الهوية..
وهو باختصار شعورك بأنك مبقتش نفسك..حاسس أنك زيك زي غيرك..مجرد ترس مشابه في آلة العمل البشعة..
مبقتش حاسس بالمتعة في أي حاجة..متشائم دايما..شايف أن كل الدنيا سودة..وشعور مسيطر عليك برغبتك في الهجرة والانعزال عن كل العالم..
شعور بالاغتراب حتي عن روحك ..
وسؤال دايما بيطاردك..
أنا إمتي بقيت كده؟!!!
3- lack of accomplishment..الشعور بعدم الانجاز..
أنت بتجري في طريق طويل ملوش نهاية..بتعمل نفس الحاجة كل يوم..نفس الحاجة كل يوم..
روتين قاتل..مفيش إنجاز شخصي..جري في ذات المكان..
مبقتش حاجة تفرق معاك..كله محصل بعضه..مبقاش ليك نفس تعمل أي حاجة أصلا..
مبقاش ليك هدف في الحياة أساسا..أنت زي الروبوت..أنت بقيت أصلا روبوت..
لكن الصراحة..مش دي بس التلات أسباب..فيه سبب رابع مهم خفي والناس مش مدياه حقه..
سبب مهم جدا واللي بيسبب الاحتراق أكتر في العلاقات الشخصية..وبيدمرها تماما..
الملل..
أيوه..
الملل..
وده كانت النتيجة اللي استخلصها د.دونالد هيب في تجربة عملها سنة 1957 علي طلبة عنده..
الطلبة دول حطهم في أوضة صغيرة شبه الزنزانة جواها سرير مريح..
وبعدين خلاهم يلبسوا نضارات سودة..قفازات قطنية..وحطوا في ودنهم سماعات يسمعوا بيها اللي هما عايزينه..وسابهم في المكان ده أطول فترة ممكنة..
لكن الحقيقة أن مفيش حد منهم قدر يستحمل قدر الملل الفظيع ده..لدرجة أن بعضهم بدأ تصيبه ضلالات وهلاوس ..حتي أن واحد منهم قال..
"أن حاسس أن فيه حاجة بتسحب مني عقلي عن طريق عنيا"
الحقيقة الاحتراق النفسي دي من أسوأ الحاجات اللي بتتعرض ليها أرواحنا في العصر الحديث..
الظاهرة اللي مش واخدة حقها من الاهتمام و under-rated للأسف..لدرجة أجزم أن معظم سكان الأرض بيحترقوا بشكل أوبآخر..
العصر اللي توحشت فيه مقولة آدم سميث أبو الرأسمالية من "دعه يعمل..دعه يمر" إلي
"دعه يعمل..دعه يحترق"
"دعه يعمل..دعه يحترق"
"دعه يحترق"
*****
ملحوظة:
التمثال اللي في الصورة واللي موجود فيه واحد مسحول ممكن تكون ناس شايفاه واحد بتسحله واحدة ست"خطيبته أو مراته مثلا" وبالرغم أن الوصف ملائم جدا لكن الحقيقة التمثال ده اسمه مابعد العمل "Apres le travail"لألبرت لوفوفر
المصدر :
هل حاسس أنك بقيت exhausted علي طول ومش قادر تكمل؟!!!
بتجري في طريق طويل منهك..
ومش قادر حتي تاخد نفسك..
ومبقتش عندك لا رغبة ولاطاقة للوصول..
لو كل الأحاسيس دي بتسيطر عليك يبقي أهلا بيك في نادي الاحتراق..
Welcome to Burn-out club
بشكل عام عرف علماء النفس "الاحتراق النفسي" بأنه حالة من الضغط النفسي المزمن نتيجة أعباء نفسية أو مهنية متراكمة واللي بتكون مصاحبة بشعور بعدم الفعالية وعدم الانجاز واللي بتؤدي إلي استنزاف مشاعر الشخص داخليا لحد ماتحترق روحه بالكامل وتيجي لحظة يقرر فيها عدم الاستمرار ..
اللحظة اللي ينفجر فيها ويصرخ..
خلاااااااااااص تعبت..
مش قاااااااااااااااادر أكمل..
تاريخيا أول من وضع مفهوم "Burn-out" كان د.هربرت فرودبنجر واللي وصفه ببلاغة بقوله
"هل عمرك قبل كده شفت مبني محترق؟!!!
لما تمر جنبه وتركز فيه هتلاقي أن الطوب والخرسانة لسه موجودين..لسه حتي إطارات النوافذ موجودة..
في الواقع القشرة الخارجية ممكن تكون سليمة جدا..
لكنك لو بصيت جواه هتُصعق بكم الخراب والدمار اللي موجود"..
د.أليكساندرا ميشيل لخصت الأسباب اللي بتؤدي للاحتراق النفسي بقولها..
" الاحتراق بيحصل لما تكون ساعات العمل،والحمل الوظيفي،والاحتياجات الحياتية مش متلائمة مع الاسترخاء والمكافآت والتقدير النفسي"
علماء تانيين حللوا ظاهرة الاحتراق النفسي لتلات أسباب أساسية..
1-Exhaustion ..الانهاك..
أنك حاسس شغال في ساقية زي التور ومش قادر تريح..
مش فاكر حتي إمتي خدت أجازة متواصلة؟!!!
تعبان علي طول..مصدع دايما..مش عارف تنام ..تبص نفسك في المراية حاسس أنك عجزت بدري..مكتئب وشاردا دايما..وبتطلع طاقات غضبك وتنفجر في الأشخاص الغلط..
2-Depersonalization ..اضطراب الهوية..
وهو باختصار شعورك بأنك مبقتش نفسك..حاسس أنك زيك زي غيرك..مجرد ترس مشابه في آلة العمل البشعة..
مبقتش حاسس بالمتعة في أي حاجة..متشائم دايما..شايف أن كل الدنيا سودة..وشعور مسيطر عليك برغبتك في الهجرة والانعزال عن كل العالم..
شعور بالاغتراب حتي عن روحك ..
وسؤال دايما بيطاردك..
أنا إمتي بقيت كده؟!!!
3- lack of accomplishment..الشعور بعدم الانجاز..
أنت بتجري في طريق طويل ملوش نهاية..بتعمل نفس الحاجة كل يوم..نفس الحاجة كل يوم..
روتين قاتل..مفيش إنجاز شخصي..جري في ذات المكان..
مبقتش حاجة تفرق معاك..كله محصل بعضه..مبقاش ليك نفس تعمل أي حاجة أصلا..
مبقاش ليك هدف في الحياة أساسا..أنت زي الروبوت..أنت بقيت أصلا روبوت..
لكن الصراحة..مش دي بس التلات أسباب..فيه سبب رابع مهم خفي والناس مش مدياه حقه..
سبب مهم جدا واللي بيسبب الاحتراق أكتر في العلاقات الشخصية..وبيدمرها تماما..
الملل..
أيوه..
الملل..
وده كانت النتيجة اللي استخلصها د.دونالد هيب في تجربة عملها سنة 1957 علي طلبة عنده..
الطلبة دول حطهم في أوضة صغيرة شبه الزنزانة جواها سرير مريح..
وبعدين خلاهم يلبسوا نضارات سودة..قفازات قطنية..وحطوا في ودنهم سماعات يسمعوا بيها اللي هما عايزينه..وسابهم في المكان ده أطول فترة ممكنة..
لكن الحقيقة أن مفيش حد منهم قدر يستحمل قدر الملل الفظيع ده..لدرجة أن بعضهم بدأ تصيبه ضلالات وهلاوس ..حتي أن واحد منهم قال..
"أن حاسس أن فيه حاجة بتسحب مني عقلي عن طريق عنيا"
الحقيقة الاحتراق النفسي دي من أسوأ الحاجات اللي بتتعرض ليها أرواحنا في العصر الحديث..
الظاهرة اللي مش واخدة حقها من الاهتمام و under-rated للأسف..لدرجة أجزم أن معظم سكان الأرض بيحترقوا بشكل أوبآخر..
العصر اللي توحشت فيه مقولة آدم سميث أبو الرأسمالية من "دعه يعمل..دعه يمر" إلي
"دعه يعمل..دعه يحترق"
"دعه يعمل..دعه يحترق"
"دعه يحترق"
*****
ملحوظة:
التمثال اللي في الصورة واللي موجود فيه واحد مسحول ممكن تكون ناس شايفاه واحد بتسحله واحدة ست"خطيبته أو مراته مثلا" وبالرغم أن الوصف ملائم جدا لكن الحقيقة التمثال ده اسمه مابعد العمل "Apres le travail"لألبرت لوفوفر
المصدر :
ليست هناك تعليقات:
إرسال تعليق